Marraz(i)Oak saileko lehen bi liburuak aurkeztu dituzte

Amaitu berri dira 2012ko Marraz(i)Oak Topaketak, baina egitasmo hau bizi-bizi dagoen seinale da egunotan aurkezten ari garen liburu sail berria: Marraz(i)Oak liburu saila, Erein argialetxeak Galtzagorri Elkartearekin elkarlanean sortu duena.

Elkarlan honi hasiera emateko, sail honetako lehen bi liburuak aurkeztu dituzte: Mozoloaren bakardadea, Juan Luis Zabalak idatzi eta Begoña Durrutyk ilustratua; eta Basajaun eta Martin, Yolanda Arrietak idatzi eta Maite Caballero Arrietak ilustratuta.

Idazle eta ilustratzaile horiek Marraz(i)Oak topaketen bigarren edizioan hartu zuten parte. Harkaitz Cano idazleak eta Ignasi Blanch ilustratzaileak gidatuta, "Ipuin tradizionalen tolesak: marrazkia, gidoia eta edizio domestikoa" goiburu hartuta jardun zuten hainbat idazle eta ilustratzailek elkarlanean. Bada han sortutako lanen argitalpenak dira Marraz(i)Oak sail berrian argitaratu diren lehen bi liburuak.

Marraz(i)Oak 4, ilusionismoa ilusio handiz

ILUsioa

ILUStrazioa

ILUSionismoa

ILUStratzaileak

 

Mila esker topaketetan parte hartu duzuen guztioi!

Amaia Arrazolaren blogera

Marraz(i)Oak 4 topaketetan parte hartu duen Amaia Arrazolak bere esperientzia partekatu du bere blogean eta hainbat irudi erakutsi dizkigu, egindako lanaren adibide gisa.

EiTB ere Artelekun izan da Marraz(i)Oak tailerretan

Topaketek iraun duten bitartean, hainbat hedabideren bisita izan dute Artelekun.
Goiena.net ere izan zen Artelekun eta bideo hau osatu dute.
EitBko kamerek ondoko irudiak hartu zituzten Arteleku:

Marraz(i)Oak IV topaketa emankorrak

Azaroaren 26an hasi eta 30ean amaitu dira Marraz(i)Oak 4 Topaketak Artelekun. Bost egunez, 12 lagunek hartu dute parte Elena Odriozola ilustratzailea eta Gustavo Puerta irakasle eta kritikariaren eskutik egin diren tailerretan.

"Ilusionismoa: Aurrezinetik Ilustratzen" leloari jarraiki, argitasun-iluntasun efektuak, gainposizioak, erlaitz eta behatxuloak, transparentzia eta irudien gain-jartzeak landu dituzte. Parte hartzaileak oso gustura aritu dira eta irakasle lanetan aritu diren Elena Odriozola eta Gustavo Puerta tailer honetan sortutako ideia, asmo eta proiektu berriekin amesten hasiak dira.
Lan handia egin dute guztiek, baina era askotako emaitzak, liluragarriak guztiak, eman dituzte aurtengo topaketek ere.

Hemen duzue egun hauetako argazki sorta.

Eta hemen bideo irudi batzuk:

Marraz(i)Oak IV topaketetarako deialdia zabalik

"Ilusionismoa Aurrezinetik Ilustratzen" lelopean, Elena Odriozola eta Gustavo Puertaren eskutik aurten zinema sortu aurreko lehen urratsetara egingo dute jauziMarraz(i)Oak IV topaketek.

Zinema sortu baino lehenago, hainbat objektu optikoetan egiten ziren irudien errepikapenaren bitartez lortzen zen mugimenduaren, hiru dimentsioen eta aldaketa sotilen sentsazioa iradokitzea. Bada, teknika horietara gerturatuko dira aurtengo topaketak. Haur Literatura eta honen ilustrazioa ulertzeko beste modu bat arakatuko da tailerrean, garai bateko tramankuluak aprobetxatuz.

Galtzagorri Elkarteak, Gipuzkoako Foru Aldundiaren laguntzarekin antolatzen dituen tailer hauetan, aurten begirada atzera botako dute parte hartzaileek. Argitasun-iluntasun efektuak, gain-posizioak, erlaitz eta behatxuloak, transparentzia eta irudien gain-jartzeekin jolasean ilusionismoaren munduan murgilduko dira. Linterna magikoak, diafanoramak, dioramak, zootropoak, paperezko antzerkitxoak eta horrelako beste tramankuluak izango dituzte abiapuntu hainbat ariketa gauzatzeko.

Horretarako Zarauzko Photomuseumera bisita bat ere egingo da topaketen baitan.

Elena Odriozola eta Gustavo Puerta

Aurreko edizioetan Harkaitz Cano eta Ignasi Blanch aritu dira irakasle lanetan, iaz, berriz, Oier Gillan idazlea, Jose Belmonte ilustratzaile eta animazio egilea eta Isabel Herguera animazio egilea. Eta aurten ere ibilbide oparoa duten Elena Odriozola ilustratzailea eta Gustavo Puerta irakasle eta literatur kritikari ezagunek gidatuko dituzte saioak.

Kopuru mugatua

Hamabi irudigilek hartuko dute parte. Parte hartzaileek Euskal Herrikoak izan behar diute eta Galtzagorri Elkarteko edo Euskadiko Ilustratzaileen Elkarteko bazkide izatea kontuan hartuko da. Topaketa hauetan formazioa doan eskainiko epai-mahaiak aukeratuko dituen 12 lagunei. Beraz, beka bana izango dute tailer honen formazioa jaso eta bertan sortuko diren lanak bideratu eta bistaratzeko.

Izen-ematea

Irudigileek pertsonaia bat asmatu eta marraztuta bidali beharko dute. Horrez gain, honako dokumentazioa igorri beharko dute: curriculuma, NANren kopia bat, posta elektronikoaren helbidea eta telefono zenbakia

Dokumentazioaren hiruna kopia bidali beharko dute CD formatuan helbide honetara: Galtzagorri Elkartera: Zemoria kalea, 25, behea. 20013 Donostia

Eskaerak aurkezteko azken eguna: 2012ko abuztuaren 24a izango da. Aukeratutakoei 2012ko irailaren 14rako erantzungo zaie.

Material osagarria

• Deialdia

Egin berri dugu MARRAZIOAK III tailerra. Aurtengoa berezia izan da, Artelekun izandako uholdeak direla eta, paisaia triste eta aldi berean iradokitzaile eta esperantzaz beteriko batean egin dugu lan.
Parte hartu duten ilustratzaileei erronka bota genien: marrazkia erabili gabe animazio bat sortzea...